“DEN HAEDESTEEN OP SCHEIMERECH”
Fräiliicht-Theater zu Kielen “Op Schéimerech”

19.-20.-21.-22. an 23. Juli 2000 um 21.00 Auer

Schéimerch kuerz virum Joer 1000

En ale Réimersteen gehéiert zum Alldag vun de Leit, déi deemols op dëser Plaz um Maart sech begéint an matenee geliewt hun.

D’Plaz gehéiert der Abtei Sankt Maximäin vun Tréier, an obwuel fir d’Mënschen d’deeglecht Iwwerliewen am Mëttelpunkt vun hirem Denken steet; sin se gespaant opdat wat deen neie chrëschtleche Glawen hine soll bréngen; besonnesch well och nach den ieweschte Kapp vun der kathoulescher Kirch – de Poopst bei si soll op Besuch kommen.

Vill Opreegung gët et fir de Jonker Konrod, d’Wirtsfamill, d’Duerfleit an den neie Paschtouer. Just de jiddesche Pärdsfockert an de Stärekickert gesin méi wäit…

De Jemp Schuster

Hien as den 29. Februar 1948 gebuer a bekannt als Theaterschreiwer a Spiller. Séng Spezialitéiten si Kabaräsprogrammer, Theaterstécker, Kannerstécker, Lauschtergeschichten an einfach Geschichten.

Zënter Joer an Dag as hien mat sénge satiresch-pikege Programmer op Turnee uechtert d’Land, awer och mat séngem Kannertheater “Jaddermunnes”.

Wat hien op d’Bühn bréngt muss entweder am klengen oder am grousse Kader geschéien. De grousse Kader sicht hien haaptsächlech op Fräiliichtbühnen wéi zu Groussbus, am Gronn oder elo zu Kielen. Hien huet den Don vill Leit mat sénge Regie-Uweisungen ze féieren a mëcht dat mat vill Engagement.

Den “Hädesteen op Schéimerech” huet hien speziell fir d’ASBL “OP SCHEIMERECH” geschriwwen an ët gët och just hei gespillt.

D’Equipe vum “Hädesteen op Schéimerech”: