"Dat Schlëmmst hu mer hannert eis. Mir stinn elo propper do. Wéi geleckt. Mir hunn déi knaschteg Wäsch gemaacht, dat knaschtegt Geld gewäsch, déi knaschteg Britt äusgeschott, déi knaschteg Lächer gestoppt an dat knaschtegt Laache verbueden.

Elo ass alles clean, mir gi propperen Zäiten entgéint, a wa vun iirgendwou eng nei Peschtäis sollt bedreeën, da wësse miräis ze hëllefen. Mat proppere Gesetzer a propperen Demonstratioune fir ee proppere Wirtschaftswuestum op proppere Stroossen vu proppere Patréiner iwwerwaacht. Wann dann ee seng knaschteg Patten net ka bei sech halen, da kritt en eng drop. Awer eng déi sech gewäsch huet.

Text Jemp SCHUSTER