“KAFFI DE LA GARE”
Fräiliicht-Theater zu Kielen “Op Schéimerech”

17.-18.-19.-20.-24.-25.-26. an 27. Juli 2002 um 21.00 Auer

Um Ufank vum 20te Joerhonnert huet den haut esou modernen an aktuellen Terme vun der “Mobilitéit”, fir d’Menschen ëmmer méi Bedeitung kritt. Schon zenter Joerzengten as den Zuuch uechtert d’Land gedämpt a gouf als “Feierwon” besongen a gefeiert. Niewt de “grousse Strecken” sollten awer och eng Partie Schmuelspuereisebunnen méi kléng Uertschaften un dat grousst Netz uschléissen.

Geplangt war esou eng Streck vu Lëtzebuerg op Närden, mat Statiounen zu Kielen an Nouspelt. Statiounen heescht natierlech Garen. Laang gouf verhandelt, gemolt, geplangt, esouguer schon um Terrain geschafft. Wéi d’Geschicht ausgong, wësst der, well bis haut huet nach keen Zuch de Wee an eis Gemeng fonnt.

Ma wéi d’Geschicht sech deemols ofgespillt huet respektiv sech ofgespillt kënnt hun, dat erliewt der am “Kaffi de la Gare“.
E Stéck mat historescher Tatsaach, gewürzt mat vill Phantasie ronderëm d’Menschen aus der Gemeng Kielen an hire Zuuch; deen nie agelaaf ass…

De Jemp Schuster

Säi Numm ass an der lëtzebuerger Kulturszeen e feste Begrëff. E Numm, dee fir Qualitéit a Professionalitéit steet, ob als Theaterauteur an -acteur, als Kabarettist oder als Schreftsteller.

De Jemp Schuster huet an de leschte Joerzéngten d’lëtzebuerger Kabaräs-Liewen markéiert. Säi Kannertheater ass Traditioun, jo esouguer e Must fir all kléngen Theaterfreak.

Eng vu sénge Spezialitéiten, ass awer vrun allem de Fräiliichttheater am ganz grousse Kader. Zu Groussbus huet hien dëse Genre vru Joeren ugefangen. 2000 gouf et eng éischt Zesummenarbecht mat him zu Kielen.

“Den Hädesteen op Schéimerech” huet d’Geschicht vu Kielen vru ronn 1000 Joer duergestallt. En historesche Kader an eng fiktiv Geschicht matenee verbannen a mat iwwer 60 Amateur-Schauspiller op d’Naturbühn hanner Schéimerech ze bréngen, dat war d’Rezept.

Dem Jemp Schuster säin Don esou vill Lait mat senge Regie-Uweisungen ze féieren, huet de Succès vun deemols ausgemaach.

Fir 2002 hëllt hien eis mat an d’Joeren 1898- 1921. “Kaffi de la Gare” huet hien dëst Stéck genannt, dat hien den Akteuren den 20. Januar presentéiert huet. A sénger bekannter Manéier huet hien an de leschte Woche mat vill Begeeschterung déi jonk a manner jonk Acteuren guidéiert a wat hien dobäi geleescht huet, dovu sollt der Iech onbedéngt selwer iwwerzeege kommen.

D’Equipe vum “Kaffi de la Gare”: